2018 йил 21 январь куни Тошкент шаҳрининг Миробод тумани ҳокимлиги ва бош имом-хатиби ташаббуси билан Ўзбекистон Президентининг ўтган йилдаги фармонига асосан афв этилган фуқаролар учун Самарқанд шаҳрига зиёрат саёҳати уюштирилди, деб хабар берди Ўзбекистон мусулмонлар идораси матбуот хизмати.
Адашиб турли оқимларга кириб қолган, бугунги кунда рўйхатдан ўчирилган 23 нафар фуқаро учун туман бош имоми Одилжон Холмуродов таклифига кўра ва туман ҳокимининг буйруғига асосан Самарқанд шаҳрига зиёрат саёҳати уюштирилди. Туман ҳокимияти томонидан зиёратчилар учун махсус автобус ташкиллаштирилиб, тушлик, бориш-келиш харажатлари ҳокимият томонидан қопланди.
Зиёратчилар Имом Ал-Бухорий мажмуаси, Шоҳи Зинда, Гўри Амир ва Дониёр пайғамбар зиёратгоҳларида бўлишди. Сафарда туман ички ишлар бўлими ходимлари ва имом-хатиб ноиблари ҳам иштирок этди.
Изоҳ (0)