ЎзАда Самарқанд вилояти Оқдарё туманидаги 63-махсус ёрдамчи мактаб-интернатига ҳукумат томонидан етарлича эътибор қаратилган бўлса-да, ундаги шароитлар ачинарли аҳволга келиб қолгани ҳақида мақола чоп этилганидан сўнг, таълим муассасасидаги камчиликлар бартараф этилди. Бу ҳақда мактаб директори М.Саидмуродов маълум қилган.
Мақола мактаб жамоаси ўртасида муҳокама этилиб, унда кўрсатиб ўтилган камчиликларни қисқа фурсатда бартараф этиш чоралари кўрилди.Хусусан, ўқитувчи ва ўқувчиларнинг дарс машғулотида бемалол қатнашишлари учун барча шароит яратилиб, хоналар иссиқлик тизими билан тўлиқ таъминланди.
Болалар учун ташкил этилган ўйин майдончалари ва спорт майдонлари тартибга келтирилиб, камчиликлар бартараф этилди.
Ётоқхона биноси олдидаги болалар майдончасига ўрнатилган ўтиргич ва ўйин қурилмалари қайта таъмирланди. Муассаса замонавий ювиш, қуритиш ва дазмоллаш ускуналари билан жиҳозланган бўлиб, бугунги кунда ушбу ускуналардан самарали фойдаланиш йўлга қўйилди.
Ҳовлидаги ҳожатхона таъмирланди. Болаларнинг юз-қўл ювиши учун қўшимча қўл ювиш жиҳозлари ўрнатилди.
Ётоқхонада ҳар томонлама қулай ҳожатхона ва ювиниш хоналари мавжуд бўлиб, улардан доимий равишда фойдаланиш йўлга қўйилди. Ётоқхонада кийим-кечак ва шахсий гигиена ашёларини сақлаш учун шкаф, ҳар бир бола учун алоҳида шкафчалар ўрнатилган бўлиб, бугунги кунда улардан тўлиқ фойдаланиш йўлга қўйилди. Ишчи хоналарнинг калитларини сақлаш учун махсус қутилар ташкил этилди. Болаларнинг ювиниши учун барча шароитлар яратилди.
Ошхонага киришда ўқувчиларнинг кийимларини илиб қўйиш учун илгичлар ўрнатилди. Қўл ювиш воситаларидан фойдаланиш йўлга қўйилди.
М.Саидмуродов, Оқдарё туманидаги 63-махсус ёрдамчи мактаб-интернати директори
Изоҳ (0)