23 ёшгача бўлган футболчилар ўртасидаги Осиё Чемпионатининг чорак финал ўйини олдидан ЎФФ президенти Умид Аҳмаджоновнинг мактубини тинглаган ўзбекистонлик футболчилар, чемпионлик учун даъвогарлардан бири бўлган Япония устидан 4:0 ҳисобида зафар қучишга муваффақ бўлди.
Ўйин тугаши ҳамоноқ ташкилот президенти Равшан Ҳайдаров шогирдларига миннатдорчилик изҳор этилган мурожаатини йўллади. Унда қуйидаги сўзлар битилганди:
Ҳурматли футболчилар, мураббийлар!Ўзбекистон терма жамоаси финал йўлида Жанубий Корея — Малайзия жуфтлиги ғолибига қарши майдонга тушади.Бугунги ажойиб ўйин, чиройли ғалаба ва Осиё Чемпионатининг ярим финалига йўл олганингиз билан барчангизни табриклайман! Раҳмат сизларга!
Бугун ўзбекистонликлар сизларни қайтадан кашф қилгандек бўлди. Спортни ривожлантириш учун барча шароитни яратиб беришга тайёр турган Президентимиз Шавкат Миромонович Мирзиёев ҳам сиз-у биздан мана шундай шижоатни талаб қиляптилар, демак, бу давомий бўлиши керак.
Кечаги фожеадан қалби ғамга тўлган юртошларимизга оз бўлса-да қувонч баҳш этишга муваффақ бўлдингиз. Албатта, Қозоғистонда ватандошларимиз билан рўй берган фожеанинг аламини ҳеч нарса боса олмайди. Биз ҳамиша ўтганларнинг ортидан хайрли дуолар қиламиз.
Лекин бугунги ўйинингиз билан сиз нафақат юртдошларимизга қувонч улашдингиз, балки ватанимиз шаънини муносиб ҳимоя қила олдингиз. Япониядек футболи ривожланган мамлакат ўйинчиларидан ўзбекистонлик футболчилар ҳеч бир жабҳада асло кам эмасликларини намойиш қилиб бердингиз. Бунинг учун сизларга миннатдорчилик билдираман.
Энди олдинда сизларни ярим финал баҳси кутиб турибди. Ушбу масъулиятли ўйинда ҳам юракдаги ўт билан астойидил ҳаракат қилиб, ғалаба қозонишингизни тилаб қоламан. Ўзбекистон ҳеч кимдан кам эмаслигини бутун дунёга кўрсатиб қўйинг!
Бугунгидек шаҳд, тезкорлик ва ғалабага бўлган ишонч ҳамда ташналик нафақат шу турнир давомида, балки фаолиятингиз сўнгига қадар сизлар билан бўлишига ишонаман! Президентимиз Шавкат Миромонович ҳам биздан айнан шуни талаб қилмоқдалар. Бўш келманг ва ўзбекистонлик навқирон йигитларнинг қўлидан нималар келиши мумкинлигини исботлашда давом этинг! Биз — сиз биланмиз!
Умид Аҳмаджонов, ЎФФ президенти
Изоҳ (0)