Освенцим концлагерида 300 минг киши ўлдирилишига алоқадорликда айбланган Оскар Грёнинг афв этиш тўғрисида илтимоснома йўллади. Бу ҳақда «РБК» хабар бермоқда.
96 ёшли Грёнинг 2015 йили 4 йил қамоқ жазосига ҳукм қилинганди, бироқ апелляциялар туфайли бирор кун ҳам қамоқда ўтирмади.
Қуйи Саксония адлия вазирлиги вакили Кристиан Луэнсштайн илтимоснома прокуратурага етказилгани, бироқ унинг тақдим этилиши ҳукм ижроси қолдирилишини англатмаслигини билдирди.
Айблов томони Грёнинг концлагердаги фаолияти давомида ҳеч кимни ўлдирмаган бўлса ҳам (у маҳбуслардан мусодара қилинган пулларни ҳисоб-китоб қилиш ва Берлинга жўнатиш билан шуғулланган), оммавий қотилликларда айбдор бўлган тузумни қўллаб-қувватлаган, деб ҳисобламоқда.
Изоҳ (0)