Osvensim konslagerida 300 ming kishi o‘ldirilishiga aloqadorlikda ayblangan Oskar Gryoning afv etish to‘g‘risida iltimosnoma yo‘lladi. Bu haqda “RBK” xabar bermoqda.
96 yoshli Gryoning 2015-yili 4 yil qamoq jazosiga hukm qilingandi, biroq apellyatsiyalar tufayli biror kun ham qamoqda o‘tirmadi.
Quyi Saksoniya adliya vazirligi vakili Kristian Luensshtayn iltimosnoma prokuraturaga yetkazilgani, biroq uning taqdim etilishi hukm ijrosi qoldirilishini anglatmasligini bildirdi.
Ayblov tomoni Gryoning konslagerdagi faoliyati davomida hech kimni o‘ldirmagan bo‘lsa ham (u mahbuslardan musodara qilingan pullarni hisob-kitob qilish va Berlinga jo‘natish bilan shug‘ullangan), ommaviy qotilliklarda aybdor bo‘lgan tuzumni qo‘llab-quvvatlagan, deb hisoblamoqda.
Izoh (0)