AdMe ўзи терисининг ранги билан жаҳон ҳамжамияти эътиборига тушган одамларнинг суратларини тўплаб тақдим этди.
Конни Чиу
Гонконгда туғилган Конни Чиу оилада альбинизм билан дунёга келган ягона фарзанд. Кейинчалик Конни ва унинг оиласи Швецияга кўчиб ўтган. Қизалоқ бу ерда ўсиб-улғайиб, гуманитар фанлар билан бирга журналистикани ўрганган. 24 ёшида моделлик карьерасини бошлаган ва ҳозирда жаз қўшиқчиси ҳисобланади.
Никия Феникс
Америкалик модель Никия Феникс ўзининг қора рангли териси, табиий сочлари, бутун танасини қоплаган сепкиллари билан ажралиб туради. Феникс Coca-Cola ва Target реклама компанияларининг асосий юзига айланган.
Стивен Томпсон
Америкалик Стивен Томпсон ҳеч қачон модель бўлишни ўйламаган. Бироқ тақдир уни бир сураткашга йўлиқтирган ва Томпсоннинг суратлари журналларда пайдо бўлган. 2011 йилда Стивен Givenchy модалар уйининг юзига айланган.
Винни Харлоу
Виннининг ноодатий ташқи кўриниши Тайра Бэнкснинг эътиборига тушган ва у Виннини «Америкача топ-модель» шоусида қатнашишга таклиф этган. Винни ушбу шоуда 5-ўринни қўлга киритган. Ҳозирда у Desigual брендининг юзи ҳисобланади.
Ава Кларк
Ава Кларк — афроамерикалик альбинос. Ёрқин сочлар, ҳаворанг кўзлар ва пуштиранг лабларга эга қизалоқ Vogue, Denim ҳамда VIP каби журналларнинг саҳифаларини безашга улгурган.
Анастасия Жидкова
Дунёдаги энг чиройли албинос қиз дея эътироф этилувчи Настя Жидкова 1996 йили Россияда туғилган. Настя нафақат модель, балки яхши қўшиқчи ҳам ҳисобланади.
Лола Чуил
Лос-Анжелесда истиқомат қиладиган Лола мактабда ўқийди ва 8 та тилда сўзлаша олади. Қизалоқнинг Instagram’даги обуначилари сони 462 мингдан ортиқ бўлиб, улар Лолани Наоми Кемпбеллга қиёслашади.
Изоҳ (0)