Фарғона вилояти Тошлоқ тумани марказида жойлашган «Деҳқон бозори» ҳамда «Файз барака» савдо комплекси туман мутасаддиларининг эътиборидан четда қолган. Бу ерда сотувчи ва харидорлар учун ҳеч қандай шароит йўқ. Сотувчилар ва ўз маҳсулотини бозорга олиб чиққан кишилар йўлакларни ўзбошимчалик билан савдо нуқтасига айлантириб олгани йўловчилар учун қийинчиликлар туғдирмоқда, деб хабар беради ЎзА.
Бу ердаги санитария ҳолати ачинарли аҳволда. Бозор маъмурияти ва тегишли ташкилотларнинг ўз ишига бундай совуққонлик билан ёндашиши харидорларнинг ҳақли эътирозига сабаб бўлмоқда.
«Файз барака» савдо комлексида бугунги кунда бор-йўғи 28 нафар якка тадбиркор рўйхатга олинган. Аммо бу ердаги савдо хизмати кўрсатаётганлар сони анча кўп. Савдо расталарида на банк пластик карточкаси билан ишлайдиган тўлов терминали ва на назорат касса машинаси бор. Туман давлат солиқ инспекциясининг биринчи ўринбосари Отабек Розиқов бу ҳолатни ҳеч нарса билан изоҳлай олмади. Солиқ хизмати ходимлари бу борада сансалорликка йўл қўймоқда.
Ушбу ҳар икки бозордаги ойлик тушумлар кўрсаткичи ҳам жуда паст.
Изоҳ (0)