Ўзбекистон бош вазирининг ўринбосари Сухроб Холмуродов 12 январь куни ўтказилган матбуот анжуманида чет эллик инвесторларнинг бизнес-активлари мамлакатда қай даражада ҳимояланиши масаласига изоҳ берди. Бу ҳақда «Газета.uz» хабар қилди.
«Ўзбекистон келажаги чет эл инвестицияларисиз бўлиши имконсиз, ҳозир биз буни яхши тушунамиз. Агар биз чет эллик инвесторлар ишонадиган инвестицион муҳит яратмасак, бунинг бари бефойда бўлади. Валюта бозори либерализацияси даромад репатриацияси масаласини ҳал қилди — ортга йўл йўқ, жараён бошланди. Ўзбекистоннинг инвестицион муҳити такомиллаштириб борилади, қонунчилик билан шундай белгиланадики, ҳеч ким ҳеч қачон инвестордан ҳеч нарса тортиб ололмайди, бунинг иложи йўқ», — таъкидлаб ўтди олий мартабали амалдор.
Изоҳ (0)