Самарқанд вилоятининг Оқдарё ва Пайариқ туманлари ўртасида 40 йилдан ортиқ вақт давомида фойдаланишда бўлган кўприк одамлар кўз ўнгида вайрон бўлиб бормоқда, деб ёзади «Самаркандский вестник» газетаси Facebook’даги саҳифасида.
Қайд этилишича, Оқдарё туманининг Қозоқхўжа ва Пайариқ туманининг Болтажарбоши қишлоқлари ўртасида ўзига хос чегара ролини ўйнайдиган Оқдарё дарёсини кесиб ўтувчи кўприк қадим замонлардан буён бўлган.
Кейинроқ, тахминан 1970 йилларда дарё шимолида Янгикент канали қазилган, ўшанда канал устидан ўтувчи 15 метрли кўприк қурилган.
Айни пайтда эса иккала кўприк ҳам аварияли ҳолатда.
«Кўприкларни маҳалла фуқаролар йиғини кучи ва ҳашар йўли билан таъмирлашга уриниб кўрган эдик, аммо юк кўтарувчи кран топа олмагандик. Наҳотки бизга ҳеч ким ёрдам бермаса?» — деди маҳаллий фуқаро Улаш бобо Эргашев.
Изоҳ (0)