Тошкент 27 декабрь куни Самарқандда ишлаб чиқарилган А22 маркали 50 та MAN автобусларини қабул қилиб олди. «Тошкент жамоат транспорти» форуми маълумотларига кўра, ҳар бирининг сиғими 90 йўловчи бўлган 50 та автобуснинг бари йўналишларга чиқарилган ва ҳозирги вақтда йўловчиларга хизмат кўрсатмоқда.
Газ ёнилғисида ҳаракатланувчи бундай автобусларнинг дастлабки намунаси Тошкентда 2015 йил августидан, 44-йўналиш бўйлаб йўловчиларга хизмат кўрсатишни бошлаган эди. Янги 50 та автобус эса шаҳарнинг 2, 3, 7, 12 ва 18-автобус саройларига тақсимлаб берилган бўлиб, улар 2, 14, 40, 46, 47, 58, 60, 85 ва 131-йўналишлар бўйлаб ҳаракат қилмоқда.
Изоҳ (0)