Марказий Осиё мамлакатларида кутилаётган умр давомийлиги 90 йиллардаги даражадан ошиб, Ўзбекистонда 73,8 ёшга, Тожикистонда — 73,7 ёшга, Қозоғистонда — 72,4 ёшга, Қирғизистонда — 70,9 ёшга ва Туркманистонда 70,4 ёшга етди. Бу ҳақда UZ24 Қозоғистон Халқаро алоқалар кенгаши раиси Ерлан Карин томонидан Марказий коммуникациялар хизматига тақдим этилган «2018 йилда Марказий Осиёдаги 10 та энг муҳим воқеа» деб номланган таҳлилий обзорга таяниб хабар бермоқда.
Маърузада қайд этилган воқеалардан бири Марказий Осиё аҳолиси сони 2017 йилда 70 миллион кишидан ошгани бўлди.
Шунингдек, аҳоли ёш тузилмаси ҳам ўзгарди, бунга ҳаёт давомийлиги ошгани ва ўлим даражаси камайгани сабаб бўлди. 2017 йилда минтақада кекса аҳоли улуши 4,9 фоизгача ўсди.
Шу билан бирга, 2018 йилда болалар сони ўсишда ва унинг умумий аҳоли ичидаги улуши кўпайишда давом этади. 2017 йил бошида 14 ёшдан осган болалар сони 20,5 миллионни ташкил қилган, бу эса минтақадаги беш мамлакат умумий аҳолисининг 29 фоизи демакдир. 2018 йилда эса ушбу кўрсаткич 30 фоизга етиши кутилмоқда.
Изоҳ (0)