5 январь куни бўлиб ўтган халқ депутатлари Тошкент вилояти кенгашининг навбатдан ташқари сессиясида Президент Шавкат Мирзиёев сўзга чиқиб, қурилишларга номзод ташкилотларни тендер орқали саралаш тизимини қаттиқ танқид қилди. Бу ҳақда «Xabar.uz» хабар берди.
«Ўзбекистонда адолат бор, ишонч бор, тендер йўқ! Энди қурилишлар тендер орқали тақсимланмайди. Бу коррупция-ку! Халқаро тендерлар ҳам ўйин. Масалан, Сўрғилнинг тендеридан ким қанча еганини мен яхши биламан», — деди Ўзбекистон раҳбари.
Нашр эслатишича, 2008 йилнинг февраль ойида «Ўзбекнефтгаз» миллий холдинг компанияси ва Корея компаниялари консорциуми тенг асосда Сўрғил кони базасида «Устюрт ГКМ»ни қуриш учун Uz-Kor Gas Chemical қўшма корхонасини ташкил этган эди.
Изоҳ (0)