5-yanvar kuni bo‘lib o‘tgan xalq deputatlari Toshkent viloyati kengashining navbatdan tashqari sessiyasida Prezident Shavkat Mirziyoyev so‘zga chiqib, qurilishlarga nomzod tashkilotlarni tender orqali saralash tizimini qattiq tanqid qildi. Bu haqda “Xabar.uz” xabar berdi.
“O‘zbekistonda adolat bor, ishonch bor, tender yo‘q! Endi qurilishlar tender orqali taqsimlanmaydi. Bu korrupsiya-ku! Xalqaro tenderlar ham o‘yin. Masalan, So‘rg‘ilning tenderidan kim qancha yeganini men yaxshi bilaman”, — dedi O‘zbekiston rahbari.
Nashr eslatishicha, 2008-yilning fevral oyida “O‘zbekneftgaz” milliy xolding kompaniyasi va Koreya kompaniyalari konsorsiumi teng asosda So‘rg‘il koni bazasida “Ustyurt GKM”ni qurish uchun Uz-Kor Gas Chemical qo‘shma korxonasini tashkil etgan edi.
Izoh (0)