Ўзбекистон Республикаси Президенти Шавкат Мирзиёев Қорақалпоғистоннинг Хўжайли туманида барпо этилаётган замонавий логистика марказида фермер хўжалик раҳбари Қутлимурат Панаев билан суҳбатлашиб, Германияда 11 йил давомида чорвачилик бўйича ишлаган доктор Алишер Қурбоновга Қорақалпоғистонга қайтиб ишлаётгани учун Captiva автомашинасини совға қилгани ҳақида маълумот бериб ўтган эдик.
Хўш Алишер Қурбонов нима учун ва қандай қилиб яна Қорақалпоғистонга қайтди? «Еркин Қарақалпақстан» нашри бу саволга жавоб олиш учун А.Қурбонов билан суҳбатлашди, деб ёзади «KRuz.uz».
«2017 йили Panaev farms фермер хўжалиги раҳбари Ислам Панаев Германияга семинттал насилли қорамол сотиб олишга борди. Шунда мен унга 60 бош симментал насилли мол, Австриядан 300 бош эчки сотиб олишда ўз маслаҳатларим билан ёрдамлашдим. Сентябрь ойида қишлоққа навбатдаги меҳнат дам олишига келганимда, шу олиб берган молларнинг ҳолатини кўриш мақсадида фермер хўжалигида бўлганимда бу ердаги ишларда ўзгариш киритиш шарт ва тартибга солиш зарур бўлган ҳолатларни кўрдим.
Ана шундан бошлаб ушбу хўжаликнинг ишларини тўғри ташкиллаштириш ва иқтисодий томондан тартибга солиш бўйича ўзимнинг масалаҳатларимни бериб, мененжер лавозимида ишлаб келмоқдаман. Ҳозир бу хўжаликнинг чорвачиликдаги ҳолати анча яхши томонга ўзгарди. Баҳорда сотиб олиб келинган молларимизнинг сони 130 бошга етди. Шунингдек, фермада Голландиядан олиб келинган голштин насилли қорамоллар ҳам боқилмоқда. Ҳозирги кунлари уларнинг ҳар биридан кунига ўртача 20 литрдан сут соғиб олиниб, ўзларимизда қайта ишланиб, Panamilk маркаси билан 55 турдаги сут маҳсулотлари тайёрланиб, савдо ўринларига етказиб берилмоқда», — дейди Алишер Қурбонов.
Изоҳ (0)