Ўзбекистон Президентининг қарорига кўра, енгил автотранспорт воситалари бўйича тегишли шартномаларни тасдиқлаганлик бўйича бож ундириш талаби бекор қилинди. Бу ҳақда Адлия вазирлигининг Facebook’даги саҳифасида маълум қилинди.
Шавкат Мирзиёевнинг «Ўзбекистон Республикасининг 2018 йилги асосий макроиқтисодий кўрсаткичлари прогнози ва Давлат бюджети параметрлари тўғрисидаги» қарори билан Ўзбекистонда ишлаб чиқарилган ва импорт қилинган, фойдаланиш муддати ишлаб чиқарувчининг расмий дилерларидан харид қилинган кундан бошлаб, бир йилдан ошмаган енгил автотранспорт воситалари бўйича тегишли шартномаларни тасдиқлаганлик учун бож ҳар бир от кучи учун энг кам ойлик иш ҳақининг беш баравари миқдорида ундириш бўйича талаб бекор қилинди.
Ҳужжатнинг тўлиқ матни билан қуйидаги ҳавола орқали танишиш мумкин.
Изоҳ (0)