БМТ бош котиби Антониу Гутерриш Кобулдаги 40 кишининг ўлимига сабаб бўлган иккита терактни қоралади, деб хабар беради «ТАСС».
БМТнинг маъмурий етакчиси ҳалок бўлганларнинг оила аъзоларига чуқур ҳамдардлик билдиришини маълум қилиб, жароҳатланганларга тезроқ тузалиб кетишини тилади. У шунингдек Афғонистон халқи ва ҳукумати билан бирдамлигини изҳор этди.
«Гутерриш тинч жараён Афғонистонда барқарорликни таъминлашнинг ягона усули эканлигига қатъий ишонч билдирди», — дейилади хабарда.
Бундан ташқари, БМТнинг хавфсизлик кенгаши ҳам Кобулдаги терактни қоралади. Хавфсизлик кенгаши вакиллари ёзма мурожаат орқали теракт ташкилотчилари ва ҳомийларини жавобгарликка тортиш заруриятини билдирган.
БМТ хавфсизлик кенгаши аъзолари барча давлатларни терактни тадқиқ этишда халқаро ҳуқуқ нормаларида белгиланган ваколатларига мувофиқ тарзда Афғонистон ҳукумати билан фаол ҳамкорлик қилишга чорлади.
Афғонистон соғлиқни сақлаш вазирлиги маълумотларига кўра, теракт оқибатида 41 киши ҳалок бўлган, қарийб 90 киши жароҳатланган.
Теракт учун жавобгарликни ИШИД ўз зиммасига олган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)