Россия президенти Владимир Путин тўнғич фарзанд учун оилаларга ойлик тўловлар жорий этиш ҳақидаги қонунни имзолади. Бу ҳақда «РБК» хабар бермоқда.
Ҳужжатга мувофиқ, 2018 йил 1 январдан бошлаб биринчи фарзанд туғилган ёки асраб олинган оилаларга ойлик тўловлар тақдим этилади. Уларни олишга ўртача даромади минтақадаги яшаш минимумининг 1,5 баробаридан ошмайдиган оилалар даъвогарлик қилиши мумкин.
Тўлов бола 1,5 ёшга етгунча ҳар ой бериб борилади. Унинг суммаси минтақадаги болалар учун яшаш минимумига тенг бўлади. Россия бўйича бир болага ойлик тўлов ўртача 10,5 минг рублга (180 доллар атрофида) тўғри келиши айтилмоқда.
Изоҳ (0)