АҚШ ҳарбий-ҳаво кучлари Сомалида авиазарбалар натижасида «аш-Шабоб» террорчилик гуруҳининг тўрт нафар террорчиси ва миналаштирилган автомобилни йўқ қилди, деб хабар беради «ТАСС».
«Операция Сомали ҳукумати билан ҳамкорликда ўтказилди. Авиазарба 27 декабрь, чоршанба куни кечки пайтда пойтахт Могадишо шаҳридан 25 километр ғарбда жойлашган автомобилга ва жангарилар гуруҳига қарата берилган. Шу тарзда тўрт нафар террорчи ва миналаштирилган автомобиль йўқ қилинган. Жангарилар мина ўрнатилган автомашинани Могадишода портлатишни режалаштирган эди», — дейилади хабарда.
Хабарда АҚШнинг келгусида ҳам террористик хавфларга қарши курашиши таъкидланган.
Изоҳ (0)