BMT bosh kotibi Kobuldagi teraktni qoraladi

BMT bosh kotibi Antoniu Guterrish Kobuldagi 40 kishining o‘limiga sabab bo‘lgan ikkita teraktni qoraladi, deb xabar beradi “TASS”.

BMTning ma’muriy yetakchisi halok bo‘lganlarning oila a’zolariga chuqur hamdardlik bildirishini ma’lum qilib, jarohatlanganlarga tezroq tuzalib ketishini tiladi. U shuningdek Afg‘oniston xalqi va hukumati bilan birdamligini izhor etdi.

“Guterrish tinch jarayon Afg‘onistonda barqarorlikni ta‘minlashning yagona usuli ekanligiga qat’iy ishonch bildirdi”, — deyiladi xabarda.

Bundan tashqari, BMTning xavfsizlik kengashi ham Kobuldagi teraktni qoraladi. Xavfsizlik kengashi vakillari yozma murojaat orqali terakt tashkilotchilari va homiylarini javobgarlikka tortish zaruriyatini bildirgan.

BMT xavfsizlik kengashi a’zolari barcha davlatlarni teraktni tadqiq etishda xalqaro huquq normalarida belgilangan vakolatlariga muvofiq tarzda Afg‘oniston hukumati bilan faol hamkorlik qilishga chorladi.

Afg‘oniston sog‘liqni saqlash vazirligi ma’lumotlariga ko‘ra, terakt oqibatida 41 kishi halok bo‘lgan, qariyb 90 kishi jarohatlangan.

Terakt uchun javobgarlikni IShID o‘z zimmasiga olgan.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.