Чеченистон раҳбари Рамзан Қодировнинг Facebook’даги саҳифаси манзилига чипталар қидириш бўйича UAN сервиси аккаунти жойлаштирилди, деб ёзади Hi-Tech Mail.Ru. Энди саҳифа «Сизнинг саёҳатингиз — бизнинг ташвишимиз» деб номланади.
Facebook.com/rkadyrov95 саҳифасига UAN биринчи постини 24 декабрь куни жойлаштирди, унда сервис Грознийдан Берлинга чипталарни таклиф қилади. Саҳифадаги кейинги постдан Сейшел оролларига саёҳат рекламаси ўрин олган.
Эслатиб ўтамиз, 20 декабрь, чоршанба куни АҚШ расмийлари инсон ҳуқуқлари поймол этилишига алоқадор шахслар ўрин оладиган «Магнитский рўйхати»га Чеченистон раҳбари Рамзан Қодировни киритгач, 23 декабрга ўтар кечаси унинг Instagram ва Facebook ижтимоий тармоқларидаги саҳифалари ишлашдан тўхтади.
Instagram ва Facebook’даги аккаунтлари ўчириб ташлангач, Чеченистон раҳбари Рамзан Қодиров бошқа ижтимоий тармоқ — Mylistory’га ўтганини эълон қилди.
Кейинроқ Facebook компанияси Чеченистон Республикаси раҳбари Рамзан Қодировнинг аккаунти блокланишини унинг АҚШ санкциявий рўйхатига киритилгани билан изоҳлади.
Изоҳ (0)