Boxing day’да «Сити» ҳамда «Тоттенҳэм»дан бошқа барча етакчилар очко йўқотди. Каталонча футбол пешқадам

Англия Премьер-Лигаси клублари Boxing day’нинг илк турини якунлади. Бу 19-турга тўғри келди.

Бир кун аввал «Арсенал» ва «Ливерпуль» клублари очколарни ўзаро бўлиб олганди, уларнинг кетидан «Челси» ҳамда «Юнайтед» ҳам 2 очкодан бой берди.

Англияда Boxing day старт олди. Унинг илк ўйини — «Арсенал» ва «Ливерпуль» тўқнашувида 6 та гол урилди

Антонио Конте шогирдлари «Эвертон» майдонида гол ура олмади. Сэм Эллардайс «Эвертон»ни қабул қилиб олганидан буён жамоа мағлубият нима эканини билмай келмоқда. Шу тариқа ливерпуллик футболчилар хавфли зонадан анча узоқлашиб кетди.

«Юнайтед» эса «Лестер» уйида 2 очкони қўлдан бой берди. Жозе Моуриньо жамоаси ҳисобда олдинга чиқиб олгач, ҳакам Жонатан Мосс «Лестер»ни майдонда бир киши кам қолдирди. Шунга қарамай, «тулкилар» сўнгги сонияларда мағлубиятдан қутулиб қолди. Улар яқиндагина Англия Лига Кубогида «Сити»га қарши саф тортиб, Манчестернинг бу жамоасини ҳам сўнгги сонияларда жазолаганди.

Варди ҳамда Маҳрезнинг ноаниқ пенальтиси сабаб «Сити» Лига Кубогининг ярим финалига йўл олди

«Тоттенҳэм» ва «Сити» каби етакчиларгина Boxing day’ни омадли бошлади. Гвардиола жамоаси рақиби постига жавобсиз 4 та гол урган бўлса, «Тоттенҳэм» сафида Ҳарри Кейин хет-трик қайд этишга муваффақ бўлди. Шу тариқа Кейн тўпурарлар пойгасида «Ливерпуль» аъзоси Муҳаммад Салоҳ билан тенглашиб олди. Ҳар икки футболчи ҳисобида 15 тадан гол бор.

Испания ва Англияда каталонча футбол байрами давом этади. Ла Лигада «Барселона» рақиби «Реал»дан 14 очко илгарилаб кетган бўлса, АПЛда «Сити» ҳамшаҳрини 13 очко ортда қолдиряпти.

Англия Премьер-Лигаси 19-тур беллашувлари 22 декабрь, жума

«Арсенал» — «Ливерпуль» 3:3

Голлар: Филиппе Коутиньо, 26 (0:1). Муҳаммад Салоҳ, 52 (0:2). Алексис Санчес, 53 (1:2). Гранит Жака, 56 (2:2). Месут Ўзил, 58 (3:2). Роберто Фирмино, 71 (3:3).

23 декабрь, шанба

«Эвертон» — «Челси» 0:0

«Суонси» — «Кристал Пэлас» 1:1

Голлар: Лука Миливоевич, 59-пен (0:1). Жордан Айю, 77 (1:1).

«Сток Сити» — «Вест Бромвич» 3:1

Голлар: Жо Аллен, 19 (1:0). Эрик Шупо-Мотинг, 47+ (2:0). Саломон Рондон, 51 (2:1). Рамадан Собхи, 95+ (3:1).

«Манчестер Сити» — «Борнмут» 4:0

Голлар: Серхио Агуэро, 27 (1:0). Раҳим Стерлинг, 53 (2:0). Серхио Агуэро, 80 (3:0). Данило, 85 (4:0).

«Саутгемптон» — «Хаддерсфилд» 1:1

Голлар: Чарли Остин, 24 (1:0). Лоран Депуатр, 64 (1:1).

«Вест Ҳэм» — «Ньюкасл» 2:3

Голлар: Марко Арнаутович, 6 (1:0). Анри Севе, 10 (1:1). Муҳаммад Диаме, 52 (1:2). Кристиан Атсу, 60 (1:3). Андре Айю, 68 (2:3).

«Брайтон» — «Уотфорд» 1:0

Гол: Паскаль Гросс, 64 (1:0).

«Бёрнли» — «Тоттенҳэм» 0:3

Голлар: Ҳарри Кейн, 7-пен (0:1). Ҳарри Кейн, 69 (0:2). Ҳарри Кейн, 79 (0:3).

«Лестер» — «Манчестер Юнайтед» 2:2

Голлар: Жейми Варди, 27 (1:0). Хуан Мата, 40 (1:1). Хуан Мата, 60 (1:2). Ҳарри Магвайр, 90+4 (2:2).Четлатиш: Даниэль Амарти, 73 (Л).