Зинедин Зидан ҳамда Эрнесто Вальверде мураббийлик фаолиятлари давомида ўзаро олтинчи бор тўқнаш келди. Бунгача кетма-кет 5 та учрашувда франциялик мутахассис бошқарган жамоа устунлик қилганди.
«Барселона» Суперкубок учун «Реал»дан аламини олди ва «Сантьяго Бернабеу»дан йирик ғалаба билан қайтди
Вальверде Бильбаонинг «Атлетик» клубини бошқарган вақтида Зидан мураббийлигидаги «Реал»га 3 марта имкониятни бой берганди.- 13 февраль, 2016 йил: «Реал» — «Атлетик» 4:2
- 23 октябрь, 2016 йил: «Реал» — «Атлетик» 2:1
- 18 март, 2018 йил: «Атлетик» — «Реал» 1:2
Кейинчалик Вальверде «Барселона» бош мураббийига айланди. Бироқ унинг кетма-кет икки «Эль-Класико»си ҳам Зидан шогирдларининг ғалабаси билан якунига етди. Ўзаро тўқнашувларнинг олтинчисига келибгина биринчи йирик ҳисоб кузатилди ва Эрнесто тарихда илк бор Зидан жамоасини таслим қилди — 3:0.
- 13 август, 2017 йил: «Барселона» — «Реал» 1:3
- 16 август, 2017 йил: «Реал» — «Барселона» 2:0
- 23 декабрь, 2017 йил: «Реал» — «Барселона» 0:3
Биз ўйинни яхши бошладик. Биринчи бўлимда курашда тенглик кузатилди. Иккинчи таймда эса ёмон ҳимояландик ва хатоларга йўл қўйдик. Бундай ўйинларда эпизоддар кўп нарсани ҳал қилади. Мағлубият биз учун оғриқли, аммо бу футбол.Ҳисоб қанчалик ҳафа қилмасин, ҳеч нарсани ўзгартирмаймиз. Олдинда таътил бор. Бу ўйин ҳақида унутиб, вақтни оиламиз билан ўтказамиз ҳамда ҳали ҳеч нарса йўқотилмагандек кайфиятда қайтиб келамиз.
Бошланғич таркиб масласига тўхталсам, бу менинг вазифам эди. Ковачичнинг асосий таркибга киритилиши, Мессини қуролсизлантириш учун эди.
Зинедин Зидан, «Реал» бош мураббийи
Биз бахтиёрмиз. Ахир ажойиб жамоани унинг майдонида таслим қилдик. Бироқ ҳали биринчи босқич ҳам тўлиқ якунига етмади, олдинда ўйинлар кўп. Орадаги фарқ ҳали ҳеч нарса эмас, ҳаммаси кейинроқ ҳал бўлади.«Реал» ўйинимизни намойиш эта олмаслигимиз учун ҳаракат қилди. Биз эса секин-аста вазиятлар яратиб, гол уришга эришдик. Кейинроқ рақиб камчиликда тўлиқ таркибдан кўра кўпроқ хавфлироқ кўринди.
Эрнесто Вальверде, «Барселона» бош мураббийи
Изоҳ (0)