Тошкент шаҳар Ички ишлар бош бошқармаси касб тайёргарлиги маркази саф майдонида Янги йил байрами тантаналари ва Президент арчаси тадбирларига тайёргарлик кўриш ҳамда уларни ўтказиш даврида жамоат хавфсизлигини таъминлашга жалб этилган ички ишлар органлари шахсий таркиби билан йўриқнома ўтказилди. Бу ҳақда ЎзА хабар бермоқда.
Қайд этилишича, байрам тадбирлари ўтказиладиган жойларда нохуш ҳолатлар юзага келишига йўл қўймаслик, хавфсизликни таъминлаш мақсадида соҳа ходимлари томонидан махсус рейдлар ўтказилмоқда.
Йўл-патруль хизмати масканларида автотранспорт воситалари қатъий текширувдан ўтказилаётгани, байрам тадбирлари ўтказиладиган майдонлар атрофидаги йўлларда юзага келиши мумкин бўлган тирбандликнинг олдини олиш чоралари кўрилаётгани таъкидланади хабарда.
Изоҳ (0)