Фотогалерея: Ер юзидан бутунлай қирилиб кетиш арафасида турган ҳайвонлар

«Йўқолиб кетиш хавфи» китобининг муаллифи Тим Флак узоқ йиллардан бери устида иш олиб борган ноодатий лойиҳаси натижалари билан бўлишди. Муаллиф ер юзининг ярмини айланиб чиқиб бутунлай қирилиб кетиш арафасида турган ҳайвонлар ҳақида маълумот тўплади. AdMe Тим Флак томонидан олинган суратларни тақдим этди.

Оққорин панголин

Ушбу ҳайвон нам тропик ўрмонларда, Сенегалдан ғарбий Кениягача ҳамда Замбиянинг жанубигача бўлган саванналарда яшайди. 2008 йилдан буён оққорин панголин қирилиб кетиш арафасида, 2014 йилда эса ноёб турлар рўйхатига киритилган. Агарда уни ҳимоя қилиш бўйича махсус чора-тадбирлар қўлланилмаса, панголин 10—20 йил ичида 30—50 фоизга қисқариб кетиши мумкин.

Мушуксимон лемур

Мушуксимон лемурлар одатда қуруқ очиқ ҳавода ва Мадагаскар оролининг жанубидаги ўрмонларда кўп учрайди. Табиатни қўриқлаш халқаро иттифоқи лемурларни қирилиб кетиш хавфи остидаги ҳайвонлар сафига қўшади — уларнинг умумий сони 2000 —2400 гача камайган.

Узунтумшуқ маймун

Узунтумшуқ маймун фақатгина Борнео оролида яшайди ва уни орол атрофидаги учта мамкалатда учратиш мумкин — Индонезия, Бруней ва Малайзия.

Олтин маймун

Жанубий ва Марказий Хитойда 1,5—3 минг метр баландликдаги маҳаллий тоғ ҳудудларида яшайди. У ҳам «Қизил китоб»нинг йўқолиб кетиш хавфи остида турган ҳайвонлар сафига киритилган.

Қизил панда

Ер юзида салкам 2500 дона қизил панда қолган, шу сабабли улар Халқаро «Қизил китоб»нинг йўқолиб кетиш хавфи остида турган ҳайвонлар рўйхатидан жой олган. Сўнгги 50 йил ичида Ҳимолай тоғ ҳудудларида яшовчи қизил пандаларнинг сони 40 фоизга камайган.

Қироллик қарқараси

Марказий ва Шарқий Африкадаги тропик ботқоқликларда — асосий озуқаси бўлган протоптер балиғи мавжуд ҳудудда яшайди. Ёғоч пойабзалга ўхшаш тумшуғи уни балиқ овининг устасига айлантиради. Уларнинг сони атига 10—15 минг донани ташкил этади.

Монарх капалаги

Шимолий Америкада яшайди. Ҳар йили шимолий ва марказий Қўшма Штатлар ҳамда Жанубий Канададан Флорида ва Мексикага кўчиб ўтади. У ерда капалаклар тоғли ўрмонларда қишлайди. Ўрмонларнинг қисқариши эса бевосита монарх капалакларига ҳам таъсир кўрсатмоқда.