“Yo‘qolib ketish xavfi” kitobining muallifi Tim Flak uzoq yillardan beri ustida ish olib borgan noodatiy loyihasi natijalari bilan bo‘lishdi. Muallif yer yuzining yarmini aylanib chiqib butunlay qirilib ketish arafasida turgan hayvonlar haqida ma’lumot to‘pladi. AdMe Tim Flak tomonidan olingan suratlarni taqdim etdi.
Oqqorin pangolin
Ushbu hayvon nam tropik o‘rmonlarda, Senegaldan g‘arbiy Keniyagacha hamda Zambiyaning janubigacha bo‘lgan savannalarda yashaydi. 2008-yildan buyon oqqorin pangolin qirilib ketish arafasida, 2014-yilda esa noyob turlar ro‘yxatiga kiritilgan. Agarda uni himoya qilish bo‘yicha maxsus chora-tadbirlar qo‘llanilmasa, pangolin 10—20 yil ichida 30—50 foizga qisqarib ketishi mumkin.
Mushuksimon lemur
Mushuksimon lemurlar odatda quruq ochiq havoda va Madagaskar orolining janubidagi o‘rmonlarda ko‘p uchraydi. Tabiatni qo‘riqlash xalqaro ittifoqi lemurlarni qirilib ketish xavfi ostidagi hayvonlar safiga qo‘shadi — ularning umumiy soni 2000 —2400 gacha kamaygan.
Uzuntumshuq maymun
Uzuntumshuq maymun faqatgina Borneo orolida yashaydi va uni orol atrofidagi uchta mamkalatda uchratish mumkin — Indoneziya, Bruney va Malayziya.
Oltin maymun
Janubiy va Markaziy Xitoyda 1,5—3 ming metr balandlikdagi mahalliy tog‘ hududlarida yashaydi. U ham “Qizil kitob”ning yo‘qolib ketish xavfi ostida turgan hayvonlar safiga kiritilgan.
Qizil panda
Yer yuzida salkam 2500 dona qizil panda qolgan, shu sababli ular Xalqaro “Qizil kitob”ning yo‘qolib ketish xavfi ostida turgan hayvonlar ro‘yxatidan joy olgan. So‘nggi 50 yil ichida Himolay tog‘ hududlarida yashovchi qizil pandalarning soni 40 foizga kamaygan.
Qirollik qarqarasi
Markaziy va Sharqiy Afrikadagi tropik botqoqliklarda — asosiy ozuqasi bo‘lgan protopter balig‘i mavjud hududda yashaydi. Yog‘och poyabzalga o‘xshash tumshug‘i uni baliq ovining ustasiga aylantiradi. Ularning soni atiga 10—15 ming donani tashkil etadi.
Monarx kapalagi
Shimoliy Amerikada yashaydi. Har yili shimoliy va markaziy Qo‘shma Shtatlar hamda Janubiy Kanadadan Florida va Meksikaga ko‘chib o‘tadi. U yerda kapalaklar tog‘li o‘rmonlarda qishlaydi. O‘rmonlarning qisqarishi esa bevosita monarx kapalaklariga ham ta’sir ko‘rsatmoqda.
Izoh (0)