АҚШнинг Опелусас шаҳридаги TM Landry College Prep коллежи ўқувчиси Айртон Литтл Гарвард университетига эрта қабул дастури доирасида ўқишга қабул қилингани ҳақида мактуб олган. У университетда ўқишни 2022 йилда бошлайди. Бу ҳақда TJournal хабар берди.
Литтлнинг айцҳича, хатни ўқиганидан сўнг унинг ҳаёти бутун умрга ўзгарган. Айртоннинг маълум қилишича, хат келишидан бир ҳафта аввал унинг акаси Стенфорд университетига қабул қилинган.
Ўқувчи Гарвардда математика ва информатикани ўрганишни режалаштирмоқда. Университетни тугатгач, у нотижорат ташкилот очиб, ўз жамиятидаги болаларга таълим олишда ёрдам беришни кўзламоқда.
Гарвард университетининг эрта қабул дастурига ҳужжат топшириш учун номзод мактабнинг юқори синфида ўқиши, шунингдек, академик қобилиятларини текшириш учун бир нечта тест ва имтиҳон топшириши керак. Номзоднинг ижодий қобилиятлари, спорт ва санъат борасидаги иқтидори, шунингдек, илмий тадбирлардаги иштироки ҳам баҳоланади. 2016 йилда Гарвард эрта таълим дастури бўйича ҳужжат топширганларнинг 5,6 фоизини бўлажак талаба сифатида қабул қилган.
Изоҳ (0)