Жанубий Корея прокуратураси суддан мамлакат собиқ президенти Пак Кин Хенинг яқин дугонаси Чхве Сун Силни коррупцияда айблаб, 25 йил қамоқ жазосига ҳукм қилишни сўради. Бу ҳақда «ТАСС» хабар бермоқда.
Шунингдек, прокуратура уни 118,5 миллиард вона (109 миллион доллар) жаримага тортиш ва 7,7 миллиард вона (7 миллион доллар) миқдоридаги активларини мусодара қилишни сўради.
Чхве Сун Силь унга пора берган йирик компаниялар манфаатини илгари суриш уриш учун ўша пайтда президент лавозимини эгаллаган Пак Кин Хега таъсиридан ноқонуний фойдаланишда гумон қилинмоқда.
Пак Кин Хе мартда ҳокимиятдан четлатилган, кўп ўтмай у ва дугонаси ҳибсга олинганди. Уларга қарши мансабни суиистеъмол қилиш ва порахўрлик айбловлари илгари сурилди.
Изоҳ (0)