Манчестер шаҳри дербисида «Сити»нинг қўли баланд келди. Old Trafford’га ташриф буюрган «шаҳарликлар» 2:1 ҳисобида зафар қучиб, таъқибчисидан 11 очко илгарилаб кетди.
Турнинг марказий ўйинида ҳисоб Гвардиола жамоаси томонидан очилган бўлса, бўлим сўнгида Рэшфорд мувозанатни тиклаганди. Иккинчи 45 дақиқаликда «Сити» ҳимоячиси Отаменди жамоасини ҳисобда яна олдинга олиб чиқди. Бу голга эса Моуриньо шогирдлари жавоб қайтара олмади.
«Сити» АПЛдаги 16 та ўйиннинг 15 тасида зафар қучиб, ўз рекордларини уришда давом этмоқда. Чемпионлар Лигасидагина Гвардиола жамоасини тўхтатишнинг иложи бўлди. «Сити» учун катта аҳамият касб этмайдиган ўйинда Украинанинг «Шахтёр» клуби «шаҳарликлар»ни таслим қилишга эришганди.
«Шахтёр» Гвардиола ва «Манчестер Сити»ни тўхтатди. Италия чемпионлиги учун даъвогар «Наполи» аут ҳолатида
Ливерпуль дербисида эса ғолибни аниқлаб бўлмади. Бутун учрашув давомида катта устунликка эга бўлган Юрген Клопп бошқарувидаги «Ливерпуль» футболчилари, якунда пенальти «қурбони»га айланди. Уэйн Руни томонидан урилган гол «Эвертон»ни мағлубиятдан қутқариб қолди.Лондоннинг «Арсенал» клуби ҳам мазкур турда 2 очко йўқотди. Шунга қарамай, «тўпчилар» шаҳарнинг бошқа бир клуби «Тоттенҳэм»дан олдинга ўтиб олди.
«Челси» Лондон дербисида Моес клубига мағлуб бўлди. «Тоттенҳэм»дан 5 та гол, «Лестер»да кетма-кет уч ғалаба
Англия Премьер-Лигаси 16-тур беллашувлари 10 декабрь, якшанба«Саутгемптон» — «Арсенал» 1:1
Голлар: Чарли Остин, 3 (1:0). Оливье Жиру, 88 (1:1).«Ливерпуль» — «Эвертон» 1:1
Голлар: Муҳаммад Салоҳ, 42 (1:0). Уэйн Руни, 76-пен (1:1).«Манчестер Юнайтед» — «Манчестер Сити» 1:2
Голлар: Давид Силва, 43 (0:1). Маркус Рэшфорд, 48+ (1:1). Николас Отаменди, 54 (1:2).
Изоҳ (0)