Xalqaro hamjamiyatning birdamligini saqlab qolish KXDRning AQSh bilan Koreya yarim orolini yadrosizlantirish masalasi bo‘yicha sermazmun muzokaralar o‘tkazishiga turtki beradi. Bunday fikrni BMT bosh kotibi Antoniu Guterrish CNN telekanaliga bergan intervyusida aytib o‘tdi, deb yozadi “TASS”.
“Muammo hal bo‘lganicha yo‘q, ammo Shimoliy Koreyaga kuchli bosim o‘tkazilayotganiga shubha yo‘q. Buni Pxenyandagilar his qilyapti, deb hisoblayman”, — dedi Guterrish. “Agar xalqaro hamjamiyat birdamligi saqlab qolinsa, bu diplomatik tashabbusni ilgari surish imkoniyatiga qaratilgan yo‘lni davom ettiradi”, — deya qo‘shimcha qildi u va Xitoy KXDRni boshqarmasligini aytdi.
“Bu Koreya yarim orolini haqiqatan ham yadrosizlantirishga yo‘l ochadi. Bu maqsadga erishish uchun biz barcha imkoniyatlarni ishga solishimiz kerak, — deya xulosa qildi Guterrish. — O‘ylaymanki, diplomatiya — qo‘yilgan maqsadga erishishning ma’qul yo‘li, chunki kuch ishlatish varianti ulkan qurbonliklarni va kutilmagan oqibatlarni keltirib chiqaradi”.
Izoh (0)