Халқаро олимлар гуруҳи 530 миллион ёшга тегишли эканлиги тахмин қилинаётган тош қотган кўзни топишга муваффақ бўлди. Топилмага бағишланган мақола Proceedings of the National Academy of Sciences журналида чоп этилди, деб хабар берди Phys.org.
Кўз трилобитга — Полеозой эрасида (541—251 миллион йил олдин) денгизларда яшаган, ҳозирда қирилиб кетган умуртқасиз ҳайвонга тегишли. У ўз кўриниши билан ҳашаротларнинг мураккаб кўзини эслатади: олимларнинг аниқлашича, трилобит кўзи омматидийлардан — ёруғлик сезувчи ҳужайралар тўпламидан ташкил топган. Бироқ 500 миллион йил ичида ушбу тузилма у қадар ўзгармаган.
Тадқиқотчилар тош қотган кўзни секин-аста тозалаб, унинг структурасини ўрганди. Трилобит кўзида 100 га яқин омматидий жойлашган. Шу билан бирга, унинг ташқи линзалари (хрусталчалари) мавжуд эмас, бу эса замонавий ҳашаротларга хос хусусият. Ушбу жонзотнинг кўриш қобилияти ёмон бўлган, аммо у йиртқичларни ва ўз йўлидаги тўсиқларни пайқай олган.
Тадқиқотчиларнинг сўзларига кўра, ушбу тош қотган кўз — топиш мумкин бўлган энг қадимий кўздир, чунки бундан олдинги организмларнинг кўзида қаттиқ қобиқ бўлмаган.
Изоҳ (0)