Чукотка ярим оролининг жанубида ҳудудга хос бўлмаган, АҚШда ўсадиган ташқи кўринишидан илонни эслатувчи йирик сув ўтлари келиб қолди, деб хабар беради «РИА Новости».
Сув ўтларининг узунлиги уч-тўрт кишининг бўйича келади. Жорий йилда кучли шамолдан сўнг ярим оролдаги пляжларда «денгиз илонлари»ни тез-тез кузатиш мумкин бўлди.
Денгиз тўлқинлари орасидан кўзга ташланган жигарранг «тана» ва «бош»лар денгизчилар эътиборини тортди. Айримлар уларни йирик қуртлар ёки фанга маълум бўлмаган денгиз илонлари деб тахмин қилган. Айримлар эса сув ўтларини қандайдир «мутантлар» деб ҳисоблаган.
Нереоцистис Лютке — бу қорамтир сув ўтлари вакили. У асосан Шимолий Американинг Тинч океани қирғоқларида ўсади.
Сув ўтининг узунлиги 25 метргача етади, унинг учида пуфак бўлади. Ўзининг катта ҳажмига қарамай, сув ўти бир йиллик ҳисобланади.
Изоҳ (0)