Россиялик ва бошқа мамлакатлар физиклари магнит-резонанс томографларининг (МРT) қувватини пасайтиришга имкон берувчи ноодатий материал яратди. Материал магнит-резонанс томографиясини кардиостимулятор, эшитиш аппаратлари ва бошқа имплантатлари бўлган кишилар учун хавфсиз қилади. Бу ҳақда «РИА Новости» хабар берди.
Олимларнинг тушунтиришича, магнит-резонанс томографи ядро-магнит резонанси эффектига асосланган. Томография сеанси вақтида мия ва одамнинг бошқа аъзолари кучли доимий магнит остида радиотўлқинлар билан нурланади, натижада водород ва бошқа атомларнинг ядролари тери тўқималарида тебрана бошлайди ва маълум частотадаги тўлқинларни тарқатади.
Бу тўлқинларни кузатган ҳолда олимлар бундай атомларнинг ҳолатини, тўқималар ҳароратини ва ўрганилаётган аъзоларнинг бошқа хусусиятларини ўрганади. МРT-сканерларининг иши учун ўта юқори ўтказгичлар асосидаги кучли магнитлардан фойдаланилади. Бу эса қурилманинг қўлланиш соҳасини чегаралайди ва унинг ишлатилишини анчагина қимматлаштиради.
Бир йил аввал олимлар мис бўлакларидан махсус метаматериал яратган ҳолда МРT-сканерининг ишини тезлаштиришга муваффақ бўлган. Метаматериал тасвирни янада ёрқинроқ қилган. Бу шифокорларга камроқ сканерлаш эвазига аниқ тасвир олишга, тасвирлар ечимини оширишга ва уларни анча қисқа вақт ичида олишга имкон беради.
Метаматериал устида ишлаётган олимлар уни МРTнинг энг катта камчилигини бартараф этиш учун қўллаш ҳақида ўйлаб қолган. Гап шундаки, тиббий имплантати бўлган кишилар бугунги кунда томография текширувидан ўта олмайди, чунки протезлар ва электрон қурилмаларнинг металл қисмлари сканерлаш вақтида қизийди ва бу қурилмаларни ишдан чиқаришга ва инсон ҳаётига хавф солишга сабаб бўлади.
Олимларнинг айтишича, метаматериални шундай ўзгартириш мумкинки, у электромагнит майдонни томографнинг ичида қайта тақсимлайди ва уни ўзининг ичида кучайтиради. Бу эса олинадиган тасвир сифатини янада кучайтиради ва МРTнинг кучини зарарсиз даражагача пасайтиради.
Ўтказилган тажрибалар ихтиро барча вазифаларни тўлиқ бажариб, сигнални 3,6 марта кучайтирган ҳолда тасвирни янада ёруғ ва аниқ қилишга имкон беришини кўрсатган.
Изоҳ (0)