Президент Шавкат Мирзиёев Ўзбекистон Конституцияси қабул қилинганининг 25 йиллигига бағишланган тантанали маросимда маъруза билан чиқиш қилди, дея хабар бермоқда ЎзА.
ЎзАнинг ёзишича, «мунтазам равишда жойларга чиқиб, одамларнинг эҳтиёжлари, муаммолари билан яшаш ва уларнинг ечимини топиш вазифаси мансабдорлар томонидан хўжакўрсинга эмас, балки амалда таъминланиши шарт».
Агентликнинг қайд этишича, шу муносабат билан ташкил этилган Халқ қабулхоналари кўплаб муаммоларни ечишда амалий ёрдам берадиган яхлит тизимга айланди. Бир йилда 1,5 миллионга яқин мурожаат кўриб чиқилди.
Шу билан бирга, фуқароларимизнинг оғирини енгил қилиш, кундалик муаммоларини ўз вақтида ва самарали ҳал этиш мақсадида Халқ қабулхоналари негизида, Президент ҳузурида алоҳида тузилма ташкил этмоқчимиз.Бу тузилмага Тезкор давлат хизматлари агентлиги деб ном берсак, айни муддао бўларди. Чунки, у тезкор равишда, марказлаштирилган ҳолда хизмат кўрсатадиган идора бўлади.
Шавкат Мирзиёев, Ўзбекистон Президенти
Изоҳ (0)