Куала-Лумпурда футбол бўйича Осиё Чемпионлар Лигасининг гуруҳ босқичига қуръа ташлаш маросими бўлиб ўтди.
Ўзбекистон чемпиони сифатида Тошкентнинг «Локомотив» клуби гуруҳ босқичига тўғридан-тўғри йўлланма олганди. Қуръа «темирйўлчилар»га Қатарнинг энг кучли клуби бўлиб турган «Дуҳайл»ни рақиб қилди. «Дуҳайл» клуби Қатарнинг икки кучли клуби бирлашувидан тузилганди. Жумладан, Сардор Рашидов ҳаракат қилган «Ал-Жаиш» унинг таркибига кирганди. Айни пайтда «Дуҳайл» Қатар Юлдузлар Лигасида 10 та турдан кейин 28 очко билан пешқадам бўлиб турибди.
Шунингдек, Амирлик чемпионатининг 10-туридан кейин 20 очко билан кучли учликда бораётган «Ал-Ваҳда» ҳам шу зонада кураш олиб боради. Ундаги тўртинчи жамоа номи январь ойининг сўнггида бўлиб ўтадиган «Зоб Оҳан» (Эрон) — «Аизвал» (Ҳиндистон) ўйинидан кейин маълум бўлади.
«Пахтакор» Чемпионлар Лигасида «Ал-Гарафа»га, «Насаф» эса «Ал-Файсалий»га рақиб бўлди
Қаршининг «Насаф» клуби саралаш ўйинларини муваффақиятли босиб ўтса, Эроннинг «Персиполис», Қатарнинг «Ас-Садд», Амирликларнинг «Ал-Васл» клублари жой олган гуруҳга келиб жойлашади.Тошкентнинг «Пахтакор» клубини эса саралашдаги эҳтимолий ғалабадан кейин Сардор Рашидов тўп сурадиган «Ал-Жазира», Саудиянинг «Ал-Аҳли», Эроннинг «Тракторсози» клублари кутиб турибди.
Изоҳ (0)