“Lokomotiv” Chempionlar Ligasida Qatarning eng kuchli klubi bilan bir guruhdan joy oldi

Kuala-Lumpurda futbol bo‘yicha Osiyo Chempionlar Ligasining guruh bosqichiga qur’a tashlash marosimi bo‘lib o‘tdi.

O‘zbekiston chempioni sifatida Toshkentning “Lokomotiv” klubi guruh bosqichiga to‘g‘ridan to‘g‘ri yo‘llanma olgandi. Qur’a “temiryo‘lchilar”ga Qatarning eng kuchli klubi bo‘lib turgan “Duhayl”ni raqib qildi. “Duhayl” klubi Qatarning ikki kuchli klubi birlashuvidan tuzilgandi. Jumladan, Sardor Rashidov harakat qilgan “Al-Jaish” uning tarkibiga kirgandi. Ayni paytda “Duhayl” Qatar Yulduzlar Ligasida 10 ta turdan keyin 28 ochko bilan peshqadam bo‘lib turibdi.

Shuningdek, Amirlik chempionatining 10-turidan keyin 20 ochko bilan kuchli uchlikda borayotgan “Al-Vahda” ham shu zonada kurash olib boradi. Undagi to‘rtinchi jamoa nomi yanvar oyining so‘nggida bo‘lib o‘tadigan “Zob Ohan” (Eron) — “Aizval” (Hindiston) o‘yinidan keyin ma’lum bo‘ladi.

“Paxtakor” Chempionlar Ligasida “Al-Garafa”ga, “Nasaf” esa “Al-Faysaliy”ga raqib bo‘ldi

Toshkentning “Paxtakor” klubini esa saralashdagi ehtimoliy g‘alabadan keyin Sardor Rashidov to‘p suradigan “Al-Jazira”, Saudiyaning “Al-Ahli”, Eronning “Traktorsozi” klublari kutib turibdi.