Андижон туманлараро иқтисодий суди томонидан жорий йилнинг ўтган даврида 4 мингга яқин даъво ва шикоят аризаси кўриб чиқилди. Бу ҳақда ЎзА хабар бермоқда.
Иқтисодий судлар тадбиркорлик субъектлари ҳамда фуқароларнинг тадбиркорлик фаолияти бўйича келиб чиқадиган низоларини кўришга ихтисослашган бўлиб, суд жараёнида тадбиркорлик субъектлари ҳам даъвогар, ҳам жавобгар сифатида иштирок этиши мумкин. Назорат қилувчи органлар, хусусан, солиқ идораларининг тадбиркорлик субъектлари фаолияти бўйича солиққа оид ҳуқуқбузарликлар учун молиявий жарима қўллаш тўғрисидаги ишлар ҳам иқтисодий судлар томонидан кўриб чиқилиши белгиланган.
Илгари хўжалик судлари асосан вилоятлар марказида фаолият юритгани боис, тадбиркорлар турли низоли масалалар бўйича вилоят марказига – хўжалик судига мурожаат этар, зарур бўлса, бир неча марта келиб, ўз ҳуқуқ ва манфаатларини ҳимоя қилишга мажбур эди. Бу эса вақт йўқотишга, ортиқча харажатларга сабаб бўларди. Энди улар ўзлари яшаётган ёки қўшни туманда фаолият юритаётган иқтисодий судга мурожаат қилиш, суд билан боғлиқ ишларни тез ҳал этиш имкониятига эга бўлди.
Андижон туманлараро иқтисодий суди ташкил этилган кундан ҳозирга қадар 4 мингга яқин иш кўриб чиқилди. Уларнинг 3 мингдан ортиғи сайёр судларда кўрилиб, қонун доирасида адолатли ҳал этилди. Кўрилган ишлар натижасида даъвогарлар фойдасига 71 миллиард сўмдан зиёд маблағ ундириб берилди.Шоядбек Мирзаев, Андижон туманлараро иқтисодий суди раиси
Изоҳ (0)