Hello Group молиявий-технологик компанияси Кипрда биткоин сотувчи автомат ўрнатди. Бу ҳақда «Корреспондент.net» хабар бермоқда.
Аппарат ҳар қандай инсонга хавфсиз усулда криптовалюта сотиб олиш имконини беради.
Банкомат компания офиси ва Pitta & More қаҳвахонаси жойлашган бинода ўрнатилди. Ускуна биткоин курси 11 минг доллардан ошган куни бу ерга жойлаштирилгани маълум.
Айтилишича, аппарат жаҳон биржалари билан бевосита боғлиқ бўлиб, харидорлар бозордаги энг яхши нархларни танлаш имкониятига эга.
Автомат орқали биткоин сотиб олиш учун смартфон ёрдамида электрон ҳамённинг QR-коди сканердан ўтказиш талаб этилади.
Изоҳ (0)