Тошкент шаҳридаги «Беруний» метро бекати яқинида 20 ноябрь куни соат тахминан 09:00 да Ўзбекистон Миллий Университетининг биринчи босқич талабаси шафқатсиз калтакланган. Жабрланувчининг опаси томонидан хабар берилишича, йигит 17-шаҳар касалхонасида оғир аҳволда ётибди. Айни вақтда тергов ишлари олиб борилмоқда, деб ёзади «Repost.uz».
Йигитнинг унверситетга автобусда боргани маълум. Тахмин қилинишича, безорилар у билан бирга автобусда бўлган, шундан сўнг улар йигитни университет яқинида, Талабалар шаҳарчаси ҳудудида калтаклаган. Кейин эса улар воқеа жойидан яширинган.
Жабрланувчига биринчи ёрдам Тошкент тиббиёт академиясида кўрсатилган, шундан сўнг у 17-шаҳар касалхонасига ўтказилган. Хабарга кўра, йигитнинг мияси жиддий чайқалган, баданига жароҳат етган ва учта тиши синган.
Безориларнинг мақсади номаълум қолмоқда. Йигитнинг опаси айтишича, у оғир-босиқ бўлган, яхши ўқиган ва атрофдагилар билан келишмовчилиги бўлмаган. У безориларни топишда ёрдам сўрамоқда.
Изоҳ (0)