Ўзбекистон Президенти Шавкат Мирзиёев 23 ноябрь куни икки мамлакат иқтисодий ва молиявий тузилмалари раҳбарлари, етакчи ишбилармонлари иштирокидаги Жанубий Корея — Ўзбекистон бизнес-форумида қатнашди. Бу ҳақда ЎзА хабар бермоқда.
Тадбирда Жанубий Корея президенти Мун Чже Иннинг форум иштирокчиларига қутлови ўқиб эшиттирилди.
Президент Шавкат Мирзиёев сўзга чиқиб, икки мамлакат ўртасидаги савдо-иқтисодий алоқалар ривожланиб бораётгани, Ўзбекистонда бизнес юритиш учун етарли шароит ва имкониятлар яратилаётганини қайд этди. Жанубий Корея бизнес вакиллари билан ҳамкорлик қилишдан манфаатдор эканлигини таъкидлади.
Жанубий кореялик молия ва ишбилармон доира вакиллари Ўзбекистонда фаол бизнес юритиш учун яратилган шароитларни юқори баҳолаб, ўзаро ҳамкорликни янада ривожлантиришга тайёрлигини маълум қилди.
Маълумот учун, Жанубий Кореянинг Ўзбекистон иқтисодиётига жалб этган инвестициялари ҳажми 7 миллиард доллардан ошди. Ўзбекистонда мазкур мамлакат капитали иштирокида 461 корхона фаолият юритмоқда.
Изоҳ (0)