Ўзбекистон водопровод-канализация хўжалигида сувни ишлаб чиқариш, сарфлаш ва истеъмол қилишни ҳисобга олиш тизими амалда мавжуд эмас. Бу ҳақда ЎзА хабар бермоқда.
Мавзуга доир: Ўзбекистонда 2018 йилдан бошлаб сув таъминоти хизмати 100 фоизлик олдиндан ҳақ тўлаш эвазига кўрсатилади
«Оқибатда, амалиётда сувнинг етказиб берилиши, тўловлар ўтказилиши ва ўзаро ҳисоб-китоблар ҳолати, шунингдек, истеъмолчиларнинг дебитор қарздорлиги ҳақидаги маълумотларнинг ишончлилиги таъминланмаяпти», — дейилади ЎзА ахборотида.
Бундан ташқари, қайд этишларича, уй-жой коммунал соҳасида сув таъминоти корхоналарини, жумладан менежмент ва дебитор қарздорлик ундирувини ташкил этиш масалаларини бошқаришда самарали тизим мавжуд эмас.
Бунинг оқибатида юзага келган водопровод-канализация хўжалиги корхоналарининг зарар билан ишлаши, шунингдек, мазкур корхоналарда катта миқдордаги кредитор ва дебитор қарздорликнинг мавжудлиги, ЎзАнинг қайд этишича, уларнинг молиявий аҳволини ички имкониятлар ҳисобидан яхшилаш имконини бермайди.
Изоҳ (0)