Франция Мадагаскар оролини 121 йил аввал колония деб эълон қилган. 1896 йилнинг октябрь ойида эса қўзғолон кўтарилган. Айтиш мумкинки, қўзғолон ҳанузгача давом этмоқда. Ярим аср аввал Мадагаскар мустақил бўлган бўлса ҳам, у ердаги оғир касалликлар ва ҳосилнинг яхши бўлмаслигида колонизация айбланади. «Коммерсантъ» мазкур оролдаги ҳаёт акс этган фотожамланмани тақдим этди.
Мадагаскарнинг аҳолиси 25 миллион киши бўлиб, унинг 90 фоизи камбағалликда яшайди.
Аҳолининг асосий қисми малагасийлар бўлиб, уларнинг ўзи кўпинча сайёҳлардан расмга туширишни сўрайди.
1897—1960 йилларда оролда 25 минг километрли йўллар, кўприклар, портлар ва темир йўллар қурилган. Қонунга кўра, маҳаллий аҳоли бир йилда 50 кун «давлат учун ишлаши» керак бўлган. Бугунги кунда мамлакатдаги инфратузилма вайроналик ёқасига келиб қолган.
Асосий фаолият тури қишлоқ хўжалиги бўлиб, унда аҳолининг 80 фоизи банд ҳисобланади. Асосий савдо ҳамкори эса Франция бўлиб қолмоқда.
Французлар «босқинчилар» ҳисобланса ҳам, француз тили малагасий тили билан бирга расмий тил ҳисобланади.
Оролда тўфонлар тез-тез бўлиб тургани сабабли одамлар уйларни узоқ вақт хизмат қиладиган материаллардан қурмайди.
Асосий транспорт йўли ва орол ҳаётининг маркази дарёлар ҳисобланади.
Тоғ дарёларида олтин ювиш халқ ҳунармандчилиги саналади. Оилалар эрталабдан кечгача ишлайди, топилган олтинни давлатга топшириш мажбурий ҳисобланади.
Мадагаскарда дрон учириш расман тақиқланмаган, бироқ чегарада муаммолар юзага келиши мумкин.
Аждодларга ҳурмат кўрсатиш маҳаллий аҳоли учун муҳим ритуал ҳисобланади.
Мамлакат марказида баланд тоғли вулқонлар жойлашган.
Цинжи-дю-Бемараха миллий қўриқхонаси ЮНЕСКОнинг бутунжаҳон мероси рўйхатига киритилган.
Малагасийлар учун оқ одам жаноб ҳисобланади.
Айни вақтда оролда ўлатнинг янги тўлқини ёйилган. Халқаро ёрдам доирасида мамлакатга 1,2 миллионта вакцина ампуласи етказиб берилган.
Изоҳ (0)