Уй-жой коммунал хизмат кўрсатиш вазирлиги иситиш ва иссиқ сув таъминоти тизимини модернизация қилиш бўйича норматив-ҳуқуқий ҳужжатларни ишлаб чиқишни ниҳоясига етказмоқда. Бу ҳақда Norma хабар берди.
Ҳужжатларни ишлаб чиқиш Президентнинг «2018–2022 йилларда иссиқлик таъминоти тизимини ривожлантириш дастури тўғрисида»ги қарори доирасида амалга оширилмоқда. Талай қонуности норматив-ҳуқуқий ҳужжатлари биринчи марта ишлаб чиқилди.
Мамлакат бўйича 1217 та энергия тежовчи қозонхоналар, жумладан, гелиоқурилмали қозонхоналар қуриш режалаштирилмоқда. Улар иссиқлик таъминотини яхшилаш ва 153108 та хонадонга эга 4929 та уйни иссиқ сув билан таъминлаш имконини беради. Яна 140392 та хонадоннинг муаммолари хонадон ичида алоҳида сув иситиш приборларини ўрнатиш ҳисобига ҳал қилинади.
Мавжуд марказлаштирилган иситиш ва иссиқ сув таъминоти тизимларини модернизация қилиш нормалари ва параметрлари белгиланди. Кейингилари республикадаги кўп хонадонли уйларнинг ярмидан кўпи унга тўғри келадиган Тошкент шаҳри учун айниқса муҳимдир. Пойтахт маҳаллий қозонхоналар ва хонадон ичида иситиш тизимларини оммавий равишда қуриш билан муаммоларни ҳал қилиш кўзда тутилмаган ягона минтақа ҳисобланади. Маҳаллий қозонхоналар ва хонадон ичида иситиш приборлари марказий қозонхоналардан олисда жойлашган уйларга ёрдам беради.
Шу билан бирга, уй-жой коммунал хизмат кўрсатиш бош бошқармаси ва «Тошиссиққуввати» мутахассисларининг таъкидлашича, кўп нарсалар олдинги марказлаштирилган иситиш тизими қолган уй-жой мулкдорларининг ўзига боғлиқ. Яшовчилар хонадон ичида иситиш тизимларининг ўзбошимчалик билан қайта режалаштирилишга йўл қўймаслиги керак. Дастурни рўёбга чиқариш чоғида алоҳида эътибор мавжуд нормалар ва қоидаларни бузганларга қаратилади — улар ўзбошимчалик билан қайта режалаштириш оқибатларини бартараф этишга мажбур бўлади. Бу муаммоларни ҳал этишда бош прокуратура ҳузуридаги мажбурий ижро бюросига алоҳида ўрин берилади.
Изоҳ (0)