Ўзбекистонда 15 ноябрдан автобензин ва дизель ёқилғиси нархи ўртача 1,5 баробарга оширилади. Бу ҳақда, Ўзбекистон ҳукуматидаги манбаларга асосланиб, «Газета.uz» хабар бермоқда.
«Газета.uz»нинг хабар беришича, Тошкентдаги бир қатор ёқилғи қуйиш шохобчалари ярим тундан бошлаб нархларни оширишга тайёргарлик кўраётганини маълум қилган.
Аввал хабар берилганидек, Аи-80 русумидаги бензин нархи 3800 сўм (нарх ўсиши — 35,7 фоиз), Аи-91 русумидаги бензин нархи 4300 сўм (+43,3 фоиз), дизель ёқилғиси 4100 сўм (+72,6 фоиз) ва ЭКО дизель ёқилғиси 4200 сўм (+71 фоиз) этиб белгиланган.
Мавзуга доир: Интернетда бензин нархи ошиши ҳақидаги ҳукумат қарори сурати пайдо бўлди. Тошкент АЁҚШларида навбатлар юзага келди
14 ноябрь оқшомида ижтимоий тармоқларда Вазирлар Маҳкамасининг бу ҳақдаги қарори суратлари тарқалган эди. Бундан бир кун аввал эса ЎзМТРК орқали вилоятларда бензин тақчиллиги юзага келгани, ёқилғи қўлда сотилаётгани ҳақида лавҳалар берилган эди.
Изоҳ (0)