Жиззах вилояти Шароф Рашидов туман ИИБ ҲПБ профилактика инспекторлари соҳавий хизмат ходимлари билан ҳамкорликда фирибгарлик жиноятини содир этган шахс қўлга олинди. Бу ҳақда ИИВ Ҳуқуқбузарликлар профилактикаси бош бошқармаси хабар берди.
13 ноябрь куни туман Ички ишлар бошқармасига Куёвбоши маҳалласида истиқомат қилувчи 1959 йилда туғилган нафақахўр Ғ.Б ва бошқалар ариза билан мурожаат қилган.
Мазкур аризада 2016 йилнинг декабрь ойида туман электр тармоқлари корхонаси назоратчиси Гандумтош МФЙ Фориш кўчасида истиқомат қилувчи 1981 йилда туғилган А.Д электр энергиясидан бўлган қарздорлигини ёпиб, қарздорлиги мавжуд эмаслиги тўғрисидаги маълумотнома тўғрилаб беришни ваъда қилиб, 1 500 000 сўм пулларини фирибгарлик йўли билан қўлга киритиб, ўзининг эҳтиёжлари учун ишлатиб юборганлиги аниқланиб ушланди.
Мазкур ҳолат юзасидан фуқаро А.Дга нисбатан Шароф Рашидов туман ИИБ томонидан Ўзбекистон Республикаси ЖКнинг 168-моддаси 1-қисми (фирибгарлик) билан жиноят иши қўзғатилди.
Изоҳ (0)