Лондон полицияси шаҳарда икки йилдан бери ҳаракат қилаётган, жониворларни серияли тарзда ўлдириш билан шуғулланувчи шахс одамларга ҳужум қилишга ўтиши мумкинлигини билдирди. Номаълум шахс эгаси бор мушуклар, тулкилар ва қуёнларни ўлдириб, бўлакларга бўлиб, сўнг уларни эгаларининг уйига ташлаб кетмоқда, дея хабар беради TJournal.
Скотланд-Ярд жиноятчини бошқа икки ҳуқуқ-тартибот бўлинмаси билан бирга қидирмоқда, бироқ терговчилар икки йилдан бери унинг изини ололмаяпти. Гумонланувчилар сафида 30—40 киши бор, бироқ улардан фақат икки-уч кишигина алоҳида ўрганиб чиқилмоқда.
2015 йилда терговчилар жониворларнинг ўлдирилиши билан боғлиқ 8 ҳолатни қайд этди, 2016 йилда бундай ҳолатлар сони 144 тага, 2017 йилда эса 246 тага етди. «Жониворлар қотили»нинг ҳисобида жами 368 та ўлдирилган жонивор бор.
Шу билан бирга, тергов буларнинг ортида уюшган гуруҳ турганини ҳам истисно этмади.
Изоҳ (0)