Ватиканда 2018 йилда ходимларга, дипломатларга, шунингдек, расмий мақсад билан келган диний ташкилот вакилларига сигарет сотиш тақиқланади. Бу ҳақда Meduza хабар бермоқда.
«Муқаддас тахт одамлар саломатлигига жиддий зарар келтирадииган фаолиятни қўллаб-қувватлай олмайди», — дейилади Ватикан матбуот хизматининг баёнотида. Шунингдек, баёнотда Жаҳон соғлиқни сақлаш ташкилотининг чекиш натижасида дунёда бир йилда етти миллион кишининг вафот этиши ҳақидаги маълумотлари ҳам келтирилган.
Ватикан ходимлари ва бир қатор бошқа шахслар гуруҳи сигаретларни паст нархда сотиб олиши мумкин. Шу тариқа сотиб олинган сигаретлар Италияда қимматроқ нархда сотилади.
Италия ОАВларининг тадқиқоти маълумотларига кўра, сигарет савдоси Ватиканга йилига тахминан 10 миллион евро даромад келтиради ва мазкур давлатнинг солиқсиз ёқилғи савдосидан кейинги иккинчи йирик даромад манбаи ҳисобланади.
Изоҳ (0)