Сиз ўз ишингизни яхши биласиз ва хушмуомаласиз, иш тажрибангиз катта ва яхши обрўга эгасиз. Унда нима учун мартабангиз ошмаяпти? Чунки ҳамма нарсани бузадиган майда-чуйдалар бор.
Бошлиғингизга смайликлар юборасиз
Раҳбарият билан сўзлашувларда умумий одоб нормаларига риоя қилинг: норасмий вазиятларда қанчалик илиқ гаплашсангиз ҳам, ишда барибир расмийликни сақлаш муҳимдир. Смайликларни эса дугоналарингиз учун қолдиринг.
Ўзингизни оқлайсиз
Сизга танбеҳ беришди, сиз эса нима учун бундай бўлганини тушунтиришга уринасиз. Ишонинг, сизнинг хатоларингизнинг сабаби ҳеч кимни қизиқтирмайди.
Сиздан вазиятни эътиборга олишингиз ва ўз ишингизни давом эттиришингиз кутилади.
Эртароқ кетасиз
Агар иш куни 9:00 дан 18:00 гача бўлса, унда бу компаниянинг ҳамма ходимлари учун ҳам шундай. Сиз мунтазам равишда бошқалардан олдинроқ кетиш билан ўзингиз хоҳламаган ҳолда низоли вазиятни юзага келтирасиз.
Агар сизга ўзингиз учун алоҳида иш режими керак бўлса, унда буни раҳбарият билан муҳокама қилинг ва бу ҳақда умумий йиғилишда эълон қилишни сўранг.
Хатларга секинлик билан жавоб ёзасиз ва қайтариб қўнғироқ қилмайсиз
Агар сиз жавоб ёзишни орқага сурсангиз ёки почтани текширишга эринсангиз имкониятларни бой берасиз ёки ёқимсиз таассурот қолдирасиз.
Агар таклиф сизни қизиқтирмаган бўлса, унда бу ҳақда жавоб ёзинг. Акс ҳолда салбий таассурот қолдирасиз ва келгусида сиз билан алоқа қилишни хоҳлашмайди.
Қўнғироқлар билан ҳам худди шундай. Кимнингдир қўнғироғига жавоб беролмаган бўлсангиз, қайтариб қўнғироқ қилинг.
Манба: Heroine
Изоҳ (0)