Олимлар Ойнинг портлаши Ерни йўқ қила олишини маълум қилди

Олимлар гуруҳи Ойнинг эҳтимолий порталишини башорат қилди. Унга кўра, портлаш инсониятнинг ўлимига сабаб бўлади, деб ёзмоқда «Корреспондент.net».

Мутахассисларнинг қайд этишича, Ой Ернинг қуёш атрофида айланишини секинлаштиради. Ойнинг йўқ бўлиши эса Ернинг айланишини тезлаштиради ва сайёранинг атмосфераси йўқ бўлишига олиб келади.

Бундан ташқари, Ой Ер ўқининг эгилишини мувозанатлаштириб туради, бу туфайли эса Ерда фасллар алмашиши бир маромда кечади. Эҳтимолга кўра, йўлдош мавжуд бўлмаса, Ер ён томонга эгилиб кетади.

Агар бу юз берса, сайёра иқлими қаттиқлашади ва қутблар исиб кетади. Исиш ўз ўрнида ҳосилдор ерларнинг сув остида қолишига сабаб бўлади.

Бироқ, олимларнинг таъкидлашича, айни вақтда Ойнинг портлаши аломатлари кузатилмаяпти.