Мюнхеннинг «Бавария» клуби Карло Анчелоттини истеъфога чиқариб, Юпп Хайнкесни қайта олиб келганидан сўнг Бундеслигада 2 та ва Чемпионлар Лигасида 1 та учрашувда зафар қучган, ўз дарвозаси даҳлсизлигини сақлаб қолганди.
Амалдаги чемпион биринчи жиддий синовини ўтган мавсум вице-чемпиони бўлган «Лейпциг» майдонида ўтказди. Германия Кубоги доирасидаги беллашув ғолиби 120 дақиқа давомида аниқланмади. Бош ҳакам 53-дақиқага келиб мезбон футболчини майдондан четлатди. Бир киши кам бўлиб ҳаракат қилган «Лейпциг» 68-дақиқада пенальтидан ҳисобни очди. Бироқ учрашувни ғалаба билан якунлашга жамоа иродаси етмади ва ўз дарвозасидан тўп ўтказиб юборди.
Шунга қарамай, Германиянинг энг кучли клуби рақиби дарвозасига 120-дақиқага қадар қайта йўл топа олмади. Навбат пенальтилар сериясига келганидагина Хайнкес жамоаси зафар қучди. «Бавария» сафидан Роберт Левандовски, Давид Алаба, Матс Хуммелс, Себастьян Руди, Арьен Роббен каби футболчилар аниқ зарба берди. Мезбонларнинг бешинчи зарбасида эса Тимо Вернер адашди. Шу тариқа «Лейпциг» аламли тарзда кубокдан четда қолди.
Бир йил аввал Кубок финалига Франкфуртнинг «Айнтрахт» клуби билан етиб келган Дортмунд «Боруссия»си 2:1 ҳисобида зафар қучиб, бош совринга эга чиққанди. Ўшанда Томас Тухел жамоаси ярим финалда «Бавария»ни енгишга муваффақ бўлгади — 3:2.
Дортмунд «Боруссия»си кейинги босқичда. Бугун «Бавария» ва Юпп Хайнкесни жиддий синов кутади
Германия Кубоги 1/16 финал 24 октябрь, сешанба«Магдебург» — «Боруссия Дортмунд» 0:5
Голлар: Гонсало Кастро, 42 (0:1). Александр Исак, 47 (0:2). Андрей Ярмоленко, 73-пен (0:3). Марк Бартра, 79 (0:4). Шинжи Кагава, 90 (0:5).25 октябрь, чоршанба
Изоҳ (0)