Ўзбекистон Президенти Шавкат Мирзиёев 19 октябрь куни мактабгача таълим вазири ўринбосарларини тайинлади. Бу ҳақда UZ24 хабар бермоқда.
Хабар беришларича, 2007—2016 йилларда «Асака» банкига раҳбарлик қилган Қаҳрамон Арипов боғча вазири ўринбосари этиб тайинланган. Арипов сўнгги вақтларда қаерда, қайси лавозимда фаолият юритганига хабарда аниқлик киритилмаган.
Ариповдан ташқари, Гулчеҳра Йўлдошева ҳам вазир Агрепина Шиннинг ўринбосари этиб тайинланган. Аввалроқ Халқ таълим вазирлиги раҳбари биринчи ўринбосари Собитхон Турғунов ҳам мактабгача таълим вазири ўринбосари этиб тайинлангани хабар қилинган эди.
Президент Шавкат Мирзиёев 30 сентябрь куни мамлакатда Мактабгача таълим вазирлигини ташкил этиш тўғрисидаги фармонни имзолаган эди. 19 октябрь куни сенатор Агрепина Шин мазкур вазирлик раҳбари этиб тайинланди.
Изоҳ (0)